Տիեզերական երկարաժամկետ առաքելությունները սերտորեն կապված են տիեզերագնացների առողջությանը վտանգող հանգամանքների հետ։ Ենթադրվում է, որ նման առաքելությունները կարող են հանգեցնել աշխատունակության վատթարացմանը և բացասական ազդեցություն ունենալ սրտանոթային համակարգի վրա:
Genes4Mars-ը կօգտագործի անալոգային տիեզերագնացների արյան և մեզի նմուշները՝ պարզելու, թե արդյո՞ք կան փոփոխություններ գեներում, որոնք կարող են վկայել վերոնշյալ վտանգների մասին: Այդ նպատակով կվերցրվեն փորձանմուշներ տարբեր ժամանակահատվածներում՝ առաքելությունից առաջ, ընթացքում և հետո, այնուհետև կվերլուծվեն լաբորատորիայում: Ռուս-հայկական համալսարանի, Հայաստանի ԳԱԱ մոլեկուլային կենսաբանության ինստիտուտի և Ավստրիայի Լյուդվիգ Բոլցմանի վնասվածքաբանության ինստիտուտի փորձը նպատակ ունի նաև դիտարկելու անալոգային տիեզերագնացների աշխատանքը՝ էլեկտրասրտագրության ավտոմատ վերլուծությամբ, որն արձանագրում է սրտամկանի ակտիվությունը։
Կդիտարկվեն տարբեր էլեկտրասրտագրություններ անալոգային տիեզերագնացների՝ կայանից դուրս արվող ակտիվություններից առաջ և հետո։ Այդ ամենը կուսումնասիրվի անոմալիաներ հայտնաբերելու համար և հետագայում արդյունքները կհամեմատվեն գենոմային հետազոտության հետ։